BIANAK MURU

Roman 12;1:Cucaah ka u le ka nau hna, Pathian nih a kan zangfahnak a nganmi ruangah hin, Pathian sinah a nung in pekchanhmi riathawinak bangtuk in i pe tuah u, a rian ah aa pumpemi le cohlan awktlak i si tuah u, cucu biaknak taktak Pathian nan pek awk biaknak cu a si.
Roman; 6:13 Cun nan pum a z eihmanh kha thil thalo tuahnak ding caah sualnak kha pe ti hlah u. Thihnak in nunnak ah thawhter tthan mi bantuk in Pathian sin tuah i pe u law dinnak tuahnak ding caah nan pum cu a ningpi in Pathain cu pe ko u.
Biaknak muru cu Surrender/ I pekchanhnak/ Toidor nun he Pathian a fuhmi nun hi a si.
Surrender timi biafang hi tuchan ahcun duhlo ngaimi a si. Zeizong kan tuahkhawh lai, lungdong hlah tbk in biachim i teimak chan a si caah surrender kong hi chim a si tuk lo. A ruangcu ka sung caah tiin le teikawh ti loruangah tuahmi a si theu tawnmi a si caah minung nih negative context in kan hman i duh lo ngai mi biafang a si.
Teinak lawng hi thildik le thilhman rak sisehlaw surrender kong hi cu ruahawk tlak lo mi bia a si hnga.
Tienak, hlawhtlinnak le, raldohnak konghi- Pathian sin aunak, nawlngeihnak le surrender kong nakhin tamdeuh chim a hau hnga.
Siseh Surrender cu biaknak i a muru bak a rak si. A nganmi Pathiandawtnak le a vel ruangah kan tuahmi tuanvo a rak si.
Bible tuanbia le Khrihfa tuanbia zoh tik ah thil khuaruahhar, hruh rian a lo mi thil a tam tuk.
I. Abraham; Zumhnak ah kan papi:
Abram tuanbia hi a thei lo kan um lo nain, a nunning cawngding aa timmi cu kan tlawm lai dah.
Genesi 12: 1; Ah Pathian le Abram biakam nak kan hmuh. " Na ram le na rualchan le na pa inn kha chuahtka hna law kan hmuhsak lai mi ram ah kal tuah. Tefa tampi kan pek lai i miphun nganpi ah an cang lai."
Kan hmuhsak mi ti lo in hmuhsak laimi a ti tik ah a fianglo ngaimi hmunhma a sinak kha a lang.
Laimi zeithei lo hmanh hi hlen kan har ngai cang. Kan tuaktaan ngaicang i hmuhsak cang mi hmanh hi a si tak hngama timi nun a ngei mi kan si i, "Hmuhsak laimi" tihi kan caah zumhding a har ngaihnga tiah ka ruah.
A hrin a pit cangmi nupi a ngeimi pa kha, " Tefa tam pi kan pek lai" a ti tthan. Abrahamnih a zum ve bak lo.(Genesi 15: 2) Mawi Bawipa Pathian, kei cu fa ka ngei lo, cucaah zeitindah laksawng cu na ka pek khawh lai? a ti ve. Pathiannih van khi zoh law arfi khi rel tuah hna na tefa cu arfi zatkhi an si lai a ti.(Gem.15:6) Abram nih bawipa cu a zumh i cu a zumhnak cu Bawipa nih a dinnak ah a cohlanpiak."
Fangeiding bia a kamhtthan. (Gen.18:) Abram cu thlam in kaa ah a thut lio ahkhin Pathian a sin a ra. Mipathum a hei hmuhhna. " Bawipa kan in tangta lo in kei santlai lo pa hi, ka lanhtak awh hlah." tiah a va sawm, " Nan ke i tawl u law, rawl ei ta u tiah a sawm." a thi hna. Pathian a sawm hnu ah , an nu sin ah a kal i," Na ngeihmi changvut lak ah a ttha bik kha la law changreu ser tuah a ti." An ngeihmi lak ah a ttha bik kha pathian pek ding kha a nunnak nih a duh tuk. Cuzon ah Pathian nih hmaikum a tu tik ah ," Nan nu nih fapa a ngeih lai a ti." Sarah nih a theih i," Ka tar cang i cu lak sawng cu ka hmuh kho tak hnga ma a ti?" Bawipa nih," Ziah sarah cu a nih, Pathian caah hin zeithil pah hi a har tuk mi a um maw?" a ti i Sarah cu a lau tuk ve i " Ka nih lo tiah aa pheh, na ni ko na ni hrimhrim ko" tiah a ti.
Lungawmttawm ding thil tampi lakah Pathian hi Abram nih aa tlaih zungzal.
Tar hnu fapa sung Isak cu an hun hrin. ( Gen.21). An va dawt lai ning hi a mak. Fa le kansunning cu nupa nih nan hngalh bik lai. ( Rev. Ceu Ham. Fa hniang cu hrin lo ding) An sung tuk.
Gen.22:1-2; Pathian nih Abram cu a hneksak i " Abram" tiah a ti i Abrahamnih," Bawipa na chimmi bia ka ngai ko," tiah a leh. Pathian nih cun a thawh i, " Na fapa, fapa pakhat lawngte na ngeihmi Isak na dawtmi kha i lawk law Moriah ram ah va kal. Cuka ahcun kan hmuhsak lai mi tlang cungah khangh thawinak ah na kahngh lai," a ti.
Cutluk har tein i tar hnu ah kan pek lai ti kamhmi fapa, van ngeih i dawt cikcek mi fapa ka caah na thah lai ti than cu, Abraham caah hin Pathian hi nekngei ngai mi le, serhsat mi Pathian hna a lo. siseh, Abraham nih Pathian lungtlinh ter le Pathian nawlngeih kha a duhnak nganbik a si zungzal caah, Pathian fialning tein a tuah. ( A zumhnak cung in thil khuaruah har a chuahtthan ko.) Pathian nih zei a duh ti cu a hngal lo i a tuak tan bak lo i a fial ning lawng te in a tuah mi nunnak kha nawlngeih nak le zumhnak cu a rak si.
A fianglo mi kan kammi ramah kal a ti. An khua cun khuazei ka kal lai ti thei lo bak in a sal vial te le a ngeihchiah vial te cu aa thawh pi phawt hna. (Dr. CuaiSang nih cun, Ngakchia nih Pu Ham khuazei na kal lai an ti i, ka thei lo a ti hna a ti. Laimi Malay kan kal cu, Refugee kan ngah lai i Ram ngan kan phan te lai ti khi a fiang cu. Mah hmanh ahcun UN an phih cang an on hei ti bu tuaktan cia te in kan ra hi. Kan men lo.)
Jeim 2: 21-23," Zeicah dah kan pu Abraham kha Pathain he remnak a rak hmuh? Isak cu biaktheng cung i a pekchanh tik i a tuahnak thawngin pei a si kha.Nan hngal kho lo maw? A zumhnak le a tuahnak cu hmunkhat ah pei rian an ttuan kha, a zumhnak cu a tuahnak thawnginpei a tlin kha, Cucaah cun, Abraham nih Pathian a umh i cu a zumhnak thawng cun Pathian nih miding ah a cohlan," tiah a titu cathian bia cu a tling, Cucaah Abrahan cu," pathian hawi," tiah ti a si.
Abraham nunnak ah a cang kho lo ding thil ah ruahmi, mihrut thil tuah a lo mi tianghmanh ah," Nawlngeihnak nun" a ngeih i a tuah peng, Pathian sinah lungawttawm lo tein i pekchanh nun hngatchan nun a ngei zungzal. Cunun cu pathian duhmi Biaknak taktak cu a si.
II.Noah.
Ruahzong surbal lo lio caan ah, Lawng ser a ti. (A fa le caah ningzak ngai a si) Mihrut rian a lo nain Pathian nih a fial ning tein a tuah. Cucu hngatchan nun, nawlngeih nun "Biaknak muru" cu a si.
III Josuah 5:13-15; Josuah ni mipa pakhat vainam zuhcia i a dir kha a hmuh ti ah, kan mah bawntu maw kan ral bawmtu dah tiah ahal. Bawipa ralkap bu hruai tu in ka ra tiah a ti. Josuah cu a hmaika ahcun a bawk i," ka bawipa nih a sal a fial mi cu zeidah a si? tiah ahal. Na ke dan phoih hna zeica tiah na dirnak kha hmunthiang a si" tiah a ti. cun ca bnagin Joshuah nih cuna tuah.
Pathian nih Jerico teiding ah rian tampi tuahding ah a fial. Joshuah nih pakhat hmanh tlau lo tein a tuah caah Jerico teinak a hmu. Joshuah nun ah Pathian sin nunpek nak a um caah teinak a hmu.
IV. Paul
Pathian a duh i a kawl zungzal mi pa a si. Cu Pathian a duhnak nun nih cun Pathian a lawmh ter caah Pathian nih a rianttuan ding ah a thim. A thihtiang Pathain nawl ngai bu tein anung. Vawlei mithang 100 timi cauk chungah, Jesuh hi pathumnak ah an chiah. An pehchih mi cu, Jesuh nak in Paul nih hin Khrih fa nun hi a uk deuh i a karh deuh tiah tiang an ti phah. A ruang cu Pathian duh i bochan nun, Pathian sin nunpek nun a ngeih caah a mah thawng in Khrihpennak a karh nak a si.
V. Jesus:
Ruahawk tlak ngai a si. Har tein, Bethlehem cawrawl einak kuang ah hrin a si. sifak tein Letama a tuan hnu ah toidor nak he, John sin ah tipil a ing. Santlai lo lak le sifak lak ah toidor tein rian a ttuan. Vailam ah ttih bu te in thah aa huah. Thah lai a ttih tuk. Ka pa ka luat ter ko a ti. Thisen chuak tiang in a rak ttih. Hi tluk a ttih mi hi ziah Jesuh nih aa thim hnga? Philipi chung ah , Jesu cu Pathian sinak kha tling te in a ngei mi a si a ti. Ka ruah tawn mi cu, "Ziah Jesus hi Pathian sining a ngeih ko ah, minung khamhnak ahhin a mah vailam thih hi a hauh, vailam ah thi lo in misual cu a kan tlanh kho lo maw? ti hi a si tawn.
Jesuh nih ka pa hi hrai hin ka luat ter ko, siseh na duhnak bang si ko seh a ti. Pathian sunparnak ca a si ahcun ka tuar lai timi, nun a ngei. Pathian sinak a ngei nain, pathian sin ah bochan nun a ngei i thla a cam zungzal. Ka pa na duhnak bang a ti zungzal. Pa duhnak tlingnak caah vailam thihnak tiang aa thimngam nak a si. Cucu Biaknak taktak a si.
VI. Misionaries
Judson: USA in kawlram ah a ra. A nupi le a fa le nih an thih tak dih. " Bawipa nangmah caah si hlah seh law cu mu!" tiah a ti. A thi i," Ka thlan aa porhlaw sual lai caah rili chung ah ka vui te ko u." a ti hna.Ramnuam kal tak ngam i, chungkhar vial te sungdih tiang i Pathianrian a ttuan tu asi.
Carson: USA ram kaltak in, Lairam, Kan mah hmanh nih kan umduh lo mi ram ah, thihtiang in a um ngam mi Pathian hngatchan nak ruang ah nihin Lairam cu thawngtthabia in a ceu. Anupi Laura nih hi miphun hna sin ah hin zei tin kan um khawh lai a ti? Khua a dei te ko lai a ti. Khua a dei te ding le dei lo ding hmanh aa thei rih lo mi ram ah thihngamh tiang in Pathian caah nunpek nun an rak ngeih nak nih nihin Khrihram ah a can ter.
Laimi kan pupa hna:
Nunpek in rian an rak ttuan. Anmah tirawl te in an rak vak. Kan mah Pastor zong lahkah locun kan ttuan kho ti lo. eg. Pu HrangBil, Ziah Lahkhah nan duh Rev. Sang Fen cu a mah tangka le rawl te a rak i ken i thawngttha a rak chim tawn.
Biadonghnak;
Vawlei biaknak, Hindu, Muslim-submitted to God, Budish, an mah le ca cio ah biaknak an si. Hidu cu a sau tuk cang. Muslim.. Pathian caah thih an ngamh. eg. worl Trade Center, pathian ca thin te ding ah kum kua chung vanlawng mongh an cawng. Thongin ah, Thawngtha bia ruang ah an i vel.
Budish; Kan nek hna nain, Kawlram pura sing 75 a si. Laimi Biakin pakhat hmanh sak kan i harh tuk. Laimiphun nak in kawl pura a tam deuh. kawn pura an sak tik poh ah a tang ah Sui ngun lungvar an chiah. Sing 75 leng ah chiahding mi sui ngun lungvar a thawh tu nun khi pathian bochan nun, biaknak taktak cu a rak si. Cucaah nihin ni tiang Muslim, Budish,Hindu an nunpeng nak le a karh peng nak a si.
Kan nih Khrihfa, kum 2000 lawng kan si rih. Kan lo tlau ngaingai cang. pathain caah thihngamh cu chim lo thangtthan le pumh hmanh a zuam lo mi zum tu, thawhlawm hmanh a thawh zuam lo mi, pumh hmanh zuam lo mi zumtu kant am tuk cang. USA le EUrope ramah zuarding mi biak in a tam tuk cang. Aa pum mi kan um ti lo. Lai mi, biaknak ah a hrut mi hmanh nihin ah pumh kanhmang ti lo. Kan member 300 leng ah 150 kan tling kho ti lo. Dallas, lai mi 2000 leng ah biakin a pha mi 500 hmanh kan tling ti lo. Lairamah mino pumh a tlawm cang. A ruang cu Biaknak taktak kan nun ah a um lo caah a si.

Biaknak taktak
Roman 12:1 Cucaah ka u le ka nau hna, Pathian nih a kan zangfahnak a nganmi ruangah hin, Pathian sinah a nung in pekchanhmi riathawinak bangtuk in i pe tuah u, a rian ah aa pumpemi le cohlan awktlak i si tuah u, cucu biaknak taktak Pathian nan pek awk biaknak cu a si.
Roman 6:13 Cun nan pum a zeihmanh kha thil ttha lo tuahnak ding caah sualnak kha pe ti hlah u. Thihnak in nunak ah a thawhter tthan mi bantuk in Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko cu.

( 09/20/2009 CEBC)