HEI HNGAL LAW CU

IF YOU ONLY KNOW
Bible; John 4:10;
Jesuh nih cun, " Pathian nih pek an duh mi laksawmg hi zeidah asi ti le, cun ti din awk an haltu hi a hodah asi ti kha HEI HNGAL LAW CU, amah tu hi na hal hnga i nunnak ti kha an pek ko hnga," tiah a ti.
Biahmaikal
Minung kan nun caan hi a tawi tuk. Chankhat lawng nung ding kan si. Pehtthan le sauhzong a ngah lo. Egypt mifim pa nih," Ram le miphun caah pekding mi nunnak pakhat lawng ka ngeih hi a poi tuk," a ti. Mifim mithiam, minthang zong nih thluankhat te lawng ngeihmi nunnak ah kan nung. Kan nun chungah kan duh a tling ko lo. Kan si a faak. Kan har. Kan lung re a thei. Kan i lawm; a rau lo. A donghnak ah kan thi. USA ka phak hnuah ka bochan ngaimi ka hawi le sinin ka theih ngaimi bia cu, "Kan rian a tam tuk i nun hi zei he sullam a ngeih ti zong hi ka ruat pah tawn," tiah a ka timi an tam ngai. Hinih hin, "Nunnak hi vawlei mit in zoh ahcun, sullam a ngei lo i a har," ti kha a langh ter. Lungdongh vansannak achuah pi.
Lungdongh awk arak simaw? Jesus nih ," HEI HNGAL LAW CU" a timi bia hi zohtthan tak ka duh.

I. ZEIZONG THIL VIALTE HI A SUNPARNAK CAAH A SER
Sermi thil vialte hi Pathian ca lawngte an si. Kan hmuhkhawh i kan theihkhawh mi thil vialte ( Universe) hi ser an sinak hmuitinh ( Goal ) cu Pathian sunparnak langhter dingah a si ko. Phundang cun, " Pathian sunparnak langhter dingah hi thil vialte hi ser an si i lei le van ah an hung umnak le kan hun theih hnanak hi a si. ( Exist)" Nangmah zong kha, hi sermi thil lakah hin naa tel ve i na nunnak kha nangmah caah siloin a mah sunparnak caah sermi a si ve, tikha a lang.
2
Pathian sunparnak cu zeidah a si? Amah Pathian a sining, a tthatnak, zungzal a hmun i nawlngeitu a sinak va LANGHTER kha Pathian sunparnak kan timi cu a si.
Pathian sunparnak cu khuazeiahdah a um? Na pawngkam hi zohhmanh, sermi thil vialte nihhin lam khatkhat in Pathian sunparnak kha, an langhter, an phuan i an au pi cio. Mit in hmuhkhawh lomi thilnung hme tete thok in, Lei le van le van arfi ngan pipi tiang; Zing ni chuak le zaanlei nitlak; thlichia, tilet le khuacaan hna vialte hi zoh tikah Pathian sunparnak le a liangngannak hi an phuan dih ko.
Hi sermi thil hna nihhin, Sertu a sunparnak cu an langhter. Pathian cu; A tthawngmi a sinak, zeizong thil cungah aa lawm i, dawtnak a tlaihchan i a fimmi le zungthiam a sinak kha, sermi thil , tabawa ( Nature ) zohhin kan cawnkhawh i kan theih khawh. Salm 19:1ff; "Van nih khin Pathian sunparnak fiang te in a langhter i a tuahmi thil kha fiang te in a kan hmuhsak." a ti.
A. TUANBIA CHUNGAH;
Pathian nih minung sinah hin lam phunphun in aa langhter. A hmasabikah Eden dum ah; Moses sinah, hlanlio zumtu hna biakttheng, deu tete in (Tabernacle), Jesuh in, nihin ni ah Khrihfa bu sin tbk. in aa phuang lengmang. Gen.3:8, Cu ni zaanlei sang ahcun Bawipa Pathian cu dumchung i aa chawh kha an theih i thing lakah khan an i thup. Ex. 33:18-23; "Moses le Pathian bia an i ruahnak; Ex.40:33-38, "Pumhnak thlam cu minmei nih a huh i Bawipa sunparnak kha a chung cu a khat." Pumhnak thlam ah Bawipa aa phuang. I King 7:51;8:10-13, John 1:14, Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in akhat. Cu sunparnak cu Pa nih a fapa ngeihchun te lawnglawng a pekmi sunparnak phun kha a si." Jesuh sinin a sunparnak kan hmuh. Eph. 2:21-22; II Cor. 4:6-7 "Muihnak chungin ceunak hung ceu seh tiah a ti tu, Pathian thiamthiam kha kan lungchung ah amah ceunak a ceu terttu cu a si. Khrih hmai cungah a ceu mi Pathian sunparnak hngalhnak ceunak kha a kan pek. A si nain hi thlarau ro thil a kengtu kan nih hi tlak um bantuk men kan si, cu nih cun thil ti khawhnak thawnnak hi kan mah ta si lo in Pathian ta asi ti kha a langhter.
3 Cuticun Pathian nih a sunparnak cu, Minung tuanbia chungah hin, Mei, minmei, Khuari, meiceu hna in a langhter. Exo.24:14 Israel nih cun Bawipa sunparnak cu tlangcung i a kangmi mei in an hmuH. Exo.40:37; Minmei in lam a hruaihna. Salm 29:1; Isaiah 6:3-4 "Vawlei cung vialte hi a sunparnak in a khat dih. An aw nihcun biakin cu a hram in a hninh i biakin cu meikhu in a khat. Isaiah 60:1; Tho tuah, Jerusalem, ni bantukin tlang tuah, Bawipa sunparnak cu na cungah a tlang. Luke. 2:9 Bawipa vancung mi cu an sinah a lang i Bawipa sunparnak cu an velchum in a CEU. Tukhal sinah ceunak in a lang. Van ah cun Pathian sunparnak nih a herhmi ceunak kha a pek.Rev.21:23, "Khuapi nih cun ni ceunak siseh, thlapa ceunak siseh a herh lo, zeicatiah pathian sunparnak nih cun a ceuh i Tufa cu a mei-inn a si.
Pathian sunparnak cu Jesuh in fiangbik in kan hmuhkhawh. Vawlei ceunak a simi Jesuh nih Pathian sining ( Nature ) Kha fiang lakin a langhter. Pathian sining kan theihnak hnga Jesuh thawng in kan mit a au i, Pathian sining hngal lomi kan si ti lo. Cu Pathian sining cu a kan hngalhter caah, Jesuh cu vawlei ceunak tiah kan ti phahnak cu si.
Heb.1:3; "Amah cu Pathian sunparnak in a ceu i Pathian he aa lo taktak mi kha a si. Cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianh piak dihhna hnuin vancung ah khin Liannganbik Pathian orhlei kam ah a thu. II Cor.4:6b, "Muihnak chungin ceunak hung ceu seh, tiah a ti tu Pathian thiamthiam kha kan lung chungah a mah ceunak a ceu tertu cu a si. Kri hmai cungah a ceumi Pathian sunparnak hngalhnak ceunak kha a kan pek.
Pathian sunparnak kan timi cu, zeizong thil vialte ngeitu a sinak kha a si. Zeicatiah amah cu Pathian a si. A mah sining (God's Nature ) hrimhrim kha Sunparnak cu a si i, cu a sunparnak cungah cun zeihmanh kan chap kho ti lo. Kan caah Nika kha ceudeuh lakin tuahding cu a si kho lo. Cucu Pathian sunparnak kan timi cu a si. Siseh Pathian nih nawl a kan pek mi le a kanduhsak mi cu, a sunparnak hngalh, cohlan piak ( Recognize)ding le, a sunparnak upat i, a sunparnak langhter tthan, a sunparnak thangtthat le a sunparnak ca i nung ding kha a si.
4 I Chanrelnak 16:24 Miphun hna lakah a sunparnak kha thanh tuah u, mi vialte hna lakah, khuaruahhar a tuahnak zong. Salm 29:1 Nan nih pathian hna Bawipa cu thangtthat ko u; a sunparnak le a lianngannak cu thangtthat u. Psm. 66:2 A sunglawi mi a min kha hla in thangtthat u, sunparnak in thangtthat u. Psm.96:7 Vawlei cung mi vialte hna, Bawipa cu thangtthat ko u, a sunparnak le a thawnnak kha thangtthat u. II Cor. 3:18 Thlarau rianttuannak a sunparnak cu zeitluk in dah a ngan chinchin.
Zeiruang ah pathian nih sunparnak pek le thangtthat a duh? A mah thangtthat nun ngei hnaseh ti a kan duh. A ruangcu a mah nih a coding sunparnak a si i a mah he aa tlak mi a si. KAN NIH CU KAN PEK KHAWH ZAT POH THANGTTHAT LE SUNPARNAK PEK KHA KAN RIAN A SI. Rev. 4:11a Kan bawipa le kan pathian, nangmah cu sunparnak le upatnak le lianngannak kha hmuhawk ah aa tlak mi na si. Zeicahtiah zeizong vialte kha nangmah nih na ser hna i nangmah duhnak bangin annih cu ser an si i nunnak an ngei," tiah an ti.
II.Pathian sunparnak a pe lo mi sermi thil pa hnih;
Pathian sunparnak peknak rian a tlolhmi sermi thil pahnih cu, van in thlak mi khuachia ( Fallen Angel)le kan mah minung kan si. Sualnak pohpoh nih Pathian sinah pekding mi sunparnak pek rian kha a tlolh.
Cucu Pathiannak in thildang duhdeuh le tlaihchan deuh kha a si. Pathian sunparnak pek dingah a el mi sining cu, angan tak tak mi Pathian ralchanhnak a si. cucu sualnak; Seitan kha Vawlei i a thla tu kha a si. Kan mah a kan thla tu ding zong a si. Phundang cun kan dihlak hi Pathian sunparnak caah siloin, kan mah sunparnak caah kan nung. Cucu sual cu a si. Roman 3:23 Zei ca tiah mivialte cu kan sual dih cio ko. Pathian sunparnak kha kan bau dih cio ko.
A hohmanh nih Pathian nih kan sinin hmuh a duhmi zat sunparnak kha kan pe kho lo. Hihi a nganbik le a zualbik mi kan sualnak cu a si i, kan tuakhawh mi
5 palhnak lak ah a nganbikmi a si. Khatleikam in chim ahcun; Pathian sunparnak caah nun hi, kan nunnak i kan tlinhkhawh dingmi thil lakah, a liannganbik mi a si. Tangkaa zong a dih lo. A hopoh nih kan tuah khawh mi rian a si. Ziah cutluk thil lianngan cu tuah lo in kan mah sunparnak le kan mah calawng ah kan nun? Isaiah 43:7 An nih cu keimah mi an si i keimah sunparnak petu dingah ka sermi an si, a ti.
Cucaah; Pathian sunparnak ca i kan nun hman le Pathian ngeihmi kan si i a sunparnak caah sermi thilmen kan si i thei in, a mah sunparnak upatpek le thangtthat hi, kan nunnak hmuitinh nganbik a si ding cu a si ko. Culawng cu minung serhnawhchan kan sinak cu a si. kan mah nih kan nunnak ah kan zai lending le kan buai len ding a si lo. Kan mah ta kan si lo bantuk in a mah ta le a mah sunparnak petu men ah sermi kan si. cucu kan hngalh ko nain kan i nunpi kho lo. Cucu kan PALHNAK cu a si.
III. HEI HNGAL LAW CU;
John 4; Chung ah Samarian tikhor pawngah Jesuh nih samaria nu pakhat a hmuh i dinti a hal. Nu cu a khuaruah ahar tuk, a ruang cu, culio caan ah, Jew nih Samaria miphun he zeihmanh an rak tuah tti bal lo. Cucaah Nu nihcun, " Zeitin dinti na ka hal khawh? tiah a hal. Jesuh nih, " Ho ka si hi hei hngal law, dinti na ka hal hnga i, zungzal nunnak ti kha kan pek hnga," tiah a leh. Cu Nu nih cun Jesuh hi minung nih kan dinmi ti taktak kong hi a chim rua tiah a ruah i, " Ziah ti thannak thawl zeihmanh na ngeih ttung lo, tikhor a thuk fawn, zeitindah nunnak ti cu na ka pek khawh lai?" tiah a titthan.
Nihin kan nunnak ah phan a umngaingai mi cu; Kan nunnak ca i kan khuaruah vansannak in kan luat khawh i, hlawh a tlingmi nun le a nuammi nunnak kan ngeih khawh nak ding caah hin, Pathian nih kan nunnak ah thil lianngan tuah a duh zia kha Voi zeizat ko hi dah a va kan chimh cio tawn hnga ka ti.
Cuthil cu kan nunnak ah kan tongh lengmang fawn ko nain, tikhor kam i Samaria Nu bang, Pathian aw kan theih le cangkaa in; Kan tlamtlin lonak kong le tlamtlinnak ding caah donkhan tu a si mi khuaruah hram tu kha kan thok cawlh. 6 Pathian a tthatnak kong le a ttha bik a theihnak kong tukha ruat lo in, kan mah santlaih lo nak le tlam tlin lonak tu kha kan ruah cawlh i kan chim cawlh tawn.
Thil lianngan pakhat tuahding ah Pathian thlarau nih kan nunnak ah a van kan chimhtikah; "Hi thil cu ka tuah kho lai lo, ka chei lai lo. Fimnak ka ngei lo. Pahrang ka ngei lo. siikaan ka ngei lo. Hi ka ziaza hi ka kal tak kho lai lo. Cucaah hi ka chunmang ( Dream), kaa tinhmi hicu a si ko tak lai lo kan ti tawn.
ASILO; Na hngalh lomi kong le chambaunak na ngeihmi lei kong ruahnak kha kaltak in, " ZEIZONG THIL VIALTE HI A SI KHO KO" ( All things are possible) ti zumh hram tukha i thok ding kan si.
Lakewood Church,Houston i an Pastor Joel Osteen nih tette a khan bal mi cu; "Nihin ka dirhmun hi ka phan telai ti hi ka chunmang zongah ka manh ballo. Kum 17 ka si lio ah chungkhar pumhnak ah ka pa nih phungchim a rak ka fial i duhnak ka rak ngei lo. Midai ka si caah min lang lo in a hnu lei in mi rian bawmh tu hi ka rak duhdeuh. siseh ka pa a van thih bak in; " HMAILEI KAL DING KA SI, KA TTHAN A HAU," ti kha ka hun i thei. Hi caan ah Bible zong ka cawng bal lo i phungzong ka chim bal lo. Pathian sinah ka ti mi cu," Bawipa, ka ngeih lo mi thil le ka santlaih lo nak ka zoh ti lai lo. Nangmah lawng kan zoh cang lai. Ka dernak chung in a tthawng bik mi ah na ka canter ti kha ka hngalh." cu zumhnak thar ahcun kar ka hun hlang i Pathian nih ka mang hmanh ah ka manh ballo mi dirhmun hi a ka hun ka pek.
Na sin zongah Pathian nih hipa sin i a tuah mi thil bantuk atuah khawh ve. Na khuaruah tawn zungzal mi, Na nupi le na inchungkhar kong, na rian kong le na lungput ning kel peng kha i tlaih peng hlah. Na chung ah chimcawk lo tthawnnak aum. Naa hngalh khawhmi nakin na tthawnnak hi a tam deuh.
Pathian hi Nature/ tabawah nih rikhiah piak in uk khomi thil a silo. Minung tuah kho lomi a tuah khawh. A biapi bik mi TAWH fung tu cu, " Nangmah harnak le tlamtlin lonak rumro a zoh mi na mit kha chinh i, Pathian zohnak tu ah hman," kha a si.

7 Pathian nih na thinlung chungah chunmang , tuahding pakhatkhat a chiah. Cu thil cu vawlei mit in zoh ahcun na caah a si kho lo ding a lo men kho ko. Napawngkam i aw kip nih, " Hi thil cu na tuah kho lai lo. Na tlinh kho in na lim kho lai lo i naa lawm tak lai lo," tiah an au men ko lai.
Siseh, Pathian nih na lungah a chiahmi thilttha kha, na zumh i fek tein naa tlaih peng in thilttha kha naa ruahchan peng ahcun, cu thilhar cu na tei ko lai.
Circus piahthiam mi chungkhar in chan sarihnak pa, HRI cung kalthiam pa kha, bia an hal. " Hri cung kal khawhnak ding caah a biapi bik mi lam, Tawh ( Key) hi zeidah a si? fawi tuk in a tuah mi na lo," tiah an hal. A timi cu, " Na kalnak lam cung lawng ah na mit chiah kha a si ko. Na kal nak lawng zoh kha a si.( Secret) A tang na zoh lai lo. Na lu a kalnak hmun poh ahkhan na pum a kal nak ding hmun a si ve. A tang na zoh sual ahcun, tlaknak dingah a tthabikmi caan a si. cucaah zungzal in phanh na duhnak hmun kha na zoh a hau, tiah a ti.
Hihi kan nunnak caah zohchih ding thil hmete a si. Mi cheu cu a luancia mi an fahnak, kan har nak le, santlaihlo tlamtlin lonak rumro, zohtthan kan hmang. Micheu cu, tanglei kan zoh, mah le mah thachiatnak khua kan ruat i, kan ngaih kan i chiatter. Nunnak cu a nuam lo, huat a tlai tiah kan phunzai.
A sang deuhmi dir hmun phak khawhnak lam tthabik cu, phak na duhnak hmun, naa timhmi hmun zohpeng kha a si. Cucaah, " Tinhmi nganpi ngei. Laimi kan nunnak ah kan i tinhmi a hme tuk. Bawnnak hal le, eidin kong lawng men, le Bill ca men lawng a si. Nihin na sining cung rumro ah na khuaruahnak hi chia hlah. Positive Vision; A ttha leimi tinhmi ngei. Nangmah le nangmah kha, kaa tinhmi ka lim cuahmah cang i kan tlinh deng cang tiah i hmu.
Pathian nih kan chungah tthawnnak a chiah. A sunparnak caah thil lianngan kan chung ah tuah a duh. Cu Pathian cu zungzal nunnak pe kho tu. Sunparnak coding cu a si.A mah sunparnak caah sermi kan si. Cuti Pathian sunparnak ca i nun hmanding kan si cu, HEI HNGAL U SIH LAW kan nunnak ah ttih ding le phanding le, nunnak i lung si lo ding hi a hei um hnga lo i, zungzal nunnak pekho tu a mah panh buin vawlei ah thil lianngan tuahtu ah a kan ser hnga.
8
Pathian nih thil lianngan tuahding ah a kan auh, kan ti kho lai lo tiah ruat hlah. Thil lianngan tuahtu dingah an au tu Pathian hi zeizong vialte tuah kho tu a si. cucu kan hngalh i kan zumh bak ahcun kan nunnak ah kan tthan cho lawng siloin, zungzal nunnak hrimhrim kha kan co lai.